Schwéiert Accident tëscht dem Quatre-Vents an Koplescht

2015-08-20 Accident Quatre-Vents - Koplescht

Um Donneschden Owend si géint 19:30 zwee Motorieder mat zwee Autoe kollidéiert. Dobäi ass den Tank vun engem Motorrad opgefuer an den auslafende Bensin huet sech entzünt. Ersthelfer op der Plaz haten scho probéiert d’Feier auszekréien an hunn sech bis d’Antreffe vun de Rettungsequippen ëm déi verletze gekëmmert.

Déi zwee Motorradschauffeure goufen uerg verwonnt a koume mat enger Ambulanz an dem Helikopter an d’Spidol. Ee Chauffer vun engem Auto koum och mat liichte Blessuren an d’Spidol.

Op der Plaz war d’Permanence vun de Pompjeeë Gemeng Kielen, de Sauvetage souwéi zwou Ambulanze vu Mamer, eng Ambulanz vu Stengefort, de SAMU aus der Stad an de SAMU vun Ettelbréck mam Helikopter. D’Police war och mat méi Patrullen, dem Helikopter an der Police Technique vertrueden.

DSC_2029
« 1 von 8 »

Fotoen: Raymond Faber

Neie Pompjeesbau

De Plätterchersleer huet an deenen läschten Wochen gudd geschafft an am Traapenhaus, am Otemschutzatelier an ob den Toiletten an Duschen ass hien schon gudd firunkomm.

2015-07-24 15.19.16 2015-07-24 15.25.23

Um 2te Stack goufen d’Gerüster fir de falsche Plafong montéiert.

2015-07-24 15.20.36

D’Miwwelen fir d’Otemschutzwierkstaat goufen schon geliwwert an agabaut. De Kompressor fir d’Fläschen ze fëllen gouf och schon aus dem Regiebetrieb an deen neien Bau geplënnert an ugeschloss.

2015-07-24 15.24.15 2015-07-24 15.23.55 2015-07-24 15.23.09

E groussen Deel vun den Fassadenelementer gouf schon montéiert.

2015-07-24 15.27.00 2015-07-24 15.27.50

Workshop mam Lycée Ermesinde

“Zivilcourage” war eng Woch laang d’Thema am Lycée Ermesinde zu Miersch. An deem Kader goufen verschidden Atelieren vun de Schüler selwer organiséiert.

Een Thema dovun war de “Rettungsdéngscht”. De Pit Bodson an de Malik Reinertz, 2 Schüler a gläichzäiteg och Memberen bei eis an de Jugendpompjeeën hunn dësen Atelieren zesummen mat engem Schoulkolleg, engem Jugendpompjee vu Klierf, organiséiert.

Verschidden Aspekter aus dem Alldag vum Rettungsdéngscht sollte gewise ginn an d’Schüler sollten awer och selwer eng Hand an verschiddenen Atelieren mat upaken kënnen.

Zesummen mat den Mierscher Pompjeeën an engem Ambulanzinstrukter vun der Administration des services de secours goufen vun deenen dräi Schüler kuerzer Hand zu Miersch am Pompjeesbau dräi kleng Atelieren preparéiert wou d’Schüler aus hirer Schoulklass e ganzen Dag sollten beschäftegt ginn.

LEM Workshop "1. Hëllef"

Beim éischten Atelier konnten d’Schüler hier Erfahrung mat engem Feierläscher maachen. Den zweeten Atelier war eng Introduktioun an d’Éischt Hëllef vum Ambulanzinstrukter Jemp Buijs. Do hunn d’Schüler Verbänn probéiert an se hunn ënner anerem déi richteg Geste geléiert, déi bei engem Häerzinfarkt ze maachen sinn.

LEM Workshop "Presenation TLF"

Am leschten Atelier goung et dorëms fir hire Schoulkollegen verschiddent Material vum Rettungsdéngscht ze presentéieren. Dofir hunn sech eis Jugendleeder, den Alain, de Mischi an de Kevin Zäit geholl a sinn mat eisem éischten Tankwon ob Miersch gefuer wou dat Gefier mat sengem Material vum Malik a vum Pit am Detail virgestallt gouf.

No der Presentatioun konnten d’Schüler nach selwer eng Hand upaken an e Läschugrëff opbauen.

Accident tëscht dem Quatre-Vents a Keespelt

2015-05-03 Accident Quatre-Vents - Keespelt

Am fréien Nomëtten vum 3. Mee ass op der Streck tëscht dem Quatre-Vents a Keespelt een Auto un d’Schleidere geroden an an engem Feld um Daach leie bliwwen.

Dobäi gouf eng Persoun liicht verwonnt.

Op der Plaz war d’Permanence vun de Pompjeeë Gemeng Kielen, de Sauvetage an d’Ambulanz vu Mamer souwéi d’Police vun der Cap.