Workshop mam Lycée Ermesinde

“Zivilcourage” war eng Woch laang d’Thema am Lycée Ermesinde zu Miersch. An deem Kader goufen verschidden Atelieren vun de Schüler selwer organiséiert.

Een Thema dovun war de “Rettungsdéngscht”. De Pit Bodson an de Malik Reinertz, 2 Schüler a gläichzäiteg och Memberen bei eis an de Jugendpompjeeën hunn dësen Atelieren zesummen mat engem Schoulkolleg, engem Jugendpompjee vu Klierf, organiséiert.

Verschidden Aspekter aus dem Alldag vum Rettungsdéngscht sollte gewise ginn an d’Schüler sollten awer och selwer eng Hand an verschiddenen Atelieren mat upaken kënnen.

Zesummen mat den Mierscher Pompjeeën an engem Ambulanzinstrukter vun der Administration des services de secours goufen vun deenen dräi Schüler kuerzer Hand zu Miersch am Pompjeesbau dräi kleng Atelieren preparéiert wou d’Schüler aus hirer Schoulklass e ganzen Dag sollten beschäftegt ginn.

LEM Workshop "1. Hëllef"

Beim éischten Atelier konnten d’Schüler hier Erfahrung mat engem Feierläscher maachen. Den zweeten Atelier war eng Introduktioun an d’Éischt Hëllef vum Ambulanzinstrukter Jemp Buijs. Do hunn d’Schüler Verbänn probéiert an se hunn ënner anerem déi richteg Geste geléiert, déi bei engem Häerzinfarkt ze maachen sinn.

LEM Workshop "Presenation TLF"

Am leschten Atelier goung et dorëms fir hire Schoulkollegen verschiddent Material vum Rettungsdéngscht ze presentéieren. Dofir hunn sech eis Jugendleeder, den Alain, de Mischi an de Kevin Zäit geholl a sinn mat eisem éischten Tankwon ob Miersch gefuer wou dat Gefier mat sengem Material vum Malik a vum Pit am Detail virgestallt gouf.

No der Presentatioun konnten d’Schüler nach selwer eng Hand upaken an e Läschugrëff opbauen.

Accident tëscht dem Quatre-Vents a Keespelt

2015-05-03 Accident Quatre-Vents - Keespelt

Am fréien Nomëtten vum 3. Mee ass op der Streck tëscht dem Quatre-Vents a Keespelt een Auto un d’Schleidere geroden an an engem Feld um Daach leie bliwwen.

Dobäi gouf eng Persoun liicht verwonnt.

Op der Plaz war d’Permanence vun de Pompjeeë Gemeng Kielen, de Sauvetage an d’Ambulanz vu Mamer souwéi d’Police vun der Cap.

Neie Pompjeesbau

D’Fënsteren an d’Baussendieren sinn montéiert.

2015-04-24 17.40.24

Ronderëm d’Gebai sinn d’Aarbechten gutt virugaang. D’Parkplazen sinn fäerdeg, elo fehlt nach just den Macadam ob der Fahrspuer.

2015-04-24 17.37.13    2015-04-24 17.38.24

Een Überflurhydrant hannert dem Gebai ass och gesat an wäert de Pompjeeë an Zukunft dengen fir Übungen ofzehalen.

2015-04-24 17.37.28

E puer Biller aus der Garage. Déi technesch Installatiounen sinn gréisstendeels fäerdeg. Et fehlt nach d’Glënner vun der Passerelle souwéi d’Trap fir erof an d’Garage.

2015-04-24 17.32.222015-04-24 17.31.442015-04-24 17.35.44

Am Instruktiounssall ass de Gipser esou gutt wéi fäerdeg mat senger Aarbecht. Den Installateur huet d’Réier fir d’Waasser, Heizung a Lüftung schonn geluecht an den Elektriker huet d’Kabelen gezunn.

2015-04-24 17.29.12 2015-04-24 17.29.38

Gléck am Ongléck: Accident tëscht dem Quatre-Vents an Dondel

Um spéiden Mëtteg vum 12. Abrëll 2015 ass op der Stréck tëscht dem Quatre-Vents an Dondel en Auto vun der Strooss ofkomm an op der Leitplank stoe bliwwen. Chance haten déi 3 Leit am Auto, well en just op engem klengen Virsprong un d’stoe koum, ier et 50 Meter de Bësch erofgaange wier.

Déi dräi Persounen konnten sech vum selwen aus dem Auto befreien an koumen fir eng Kontroll an d’Spidol.

Op der Plaz war d’Permanence vu Kielen, de Sauvetage an zwou Ambulanzen vu Mamer souwéi d’Police vun der Cap.

CIMG2063
« 1 von 7 »