Accident tëscht dem Quatre-Vents a Keespelt

2015-05-03 Accident Quatre-Vents - Keespelt

Am fréien Nomëtten vum 3. Mee ass op der Streck tëscht dem Quatre-Vents a Keespelt een Auto un d’Schleidere geroden an an engem Feld um Daach leie bliwwen.

Dobäi gouf eng Persoun liicht verwonnt.

Op der Plaz war d’Permanence vun de Pompjeeë Gemeng Kielen, de Sauvetage an d’Ambulanz vu Mamer souwéi d’Police vun der Cap.

Neie Pompjeesbau

D’Fënsteren an d’Baussendieren sinn montéiert.

2015-04-24 17.40.24

Ronderëm d’Gebai sinn d’Aarbechten gutt virugaang. D’Parkplazen sinn fäerdeg, elo fehlt nach just den Macadam ob der Fahrspuer.

2015-04-24 17.37.13    2015-04-24 17.38.24

Een Überflurhydrant hannert dem Gebai ass och gesat an wäert de Pompjeeë an Zukunft dengen fir Übungen ofzehalen.

2015-04-24 17.37.28

E puer Biller aus der Garage. Déi technesch Installatiounen sinn gréisstendeels fäerdeg. Et fehlt nach d’Glënner vun der Passerelle souwéi d’Trap fir erof an d’Garage.

2015-04-24 17.32.222015-04-24 17.31.442015-04-24 17.35.44

Am Instruktiounssall ass de Gipser esou gutt wéi fäerdeg mat senger Aarbecht. Den Installateur huet d’Réier fir d’Waasser, Heizung a Lüftung schonn geluecht an den Elektriker huet d’Kabelen gezunn.

2015-04-24 17.29.12 2015-04-24 17.29.38

Gléck am Ongléck: Accident tëscht dem Quatre-Vents an Dondel

Um spéiden Mëtteg vum 12. Abrëll 2015 ass op der Stréck tëscht dem Quatre-Vents an Dondel en Auto vun der Strooss ofkomm an op der Leitplank stoe bliwwen. Chance haten déi 3 Leit am Auto, well en just op engem klengen Virsprong un d’stoe koum, ier et 50 Meter de Bësch erofgaange wier.

Déi dräi Persounen konnten sech vum selwen aus dem Auto befreien an koumen fir eng Kontroll an d’Spidol.

Op der Plaz war d’Permanence vu Kielen, de Sauvetage an zwou Ambulanzen vu Mamer souwéi d’Police vun der Cap.

CIMG2063
« 1 von 7 »

Accident tëscht engem Camion a Bus

Am Nomëtteg vum 24. Mäerz koum et op der Streck fir vu Keespelt op Schëndels zu engem Accident wou e Camion an e Bus dra verwéckelt waren.

De Bus war zu dem Zäitpunkt eidel ënnerwee an och de Chauffer vum Bus koum ouni Blessuren dovun. De Chauffer vum Camion ass mat engem Schock dovu komm.

Op der Plaz war d’Permanence vun de Pompjeeë Gemeng Kielen souwéi d’Police vun der Cap a Miersch.

image3
« 1 von 3 »

Feier an der Industriezone

Um freien Moien vum 1. Mäerz 2015 gouf d’Permanence op ee Feier hannert enger Hal an der Kielener Industriezone geruff.

Op der Plaz hu si festgestallt datt ee Mataarbechter vun der Firma scho probéiert hat d’Feier mat zwee Feierläscher auszemaachen, wat him awer net gelonge war. Doropshi sinn d’Pompjeeën dann mat schwéierem Otemschutz virgaangen fir d’Feier ze bekämpfen.

Den Asaz war no ronn 45 Minutten eriwwer.

Op der Plaz waren d’Pompjeeë Gemeng Kielen mat der Permanence an d’Police vun der Cap.

CIMG2039
« 1 von 2 »